- 专辑介绍
- 歌词
- 专辑列表
南面而歌
-
台语人
作词:陈俊宇 作曲:陈俊宇
《台语人》Tâi-gí-lâng 陈俊宇 Tân Tsùn-ú ------------------------------------------ 我伫我的故乡 guá tī guá ê kòo-hiong 我拢讲台语 guá lóng kóng Tâi-gí 来喔 做伙讲台语 lâi--ooh, tsò-hué kóng Tâi-gí 不管去到佗位 put-kuán khì kàu tó-uī 牛牵到北京嘛是讲台语 gû khan kàu Pak-kiann mā sī kóng Tâi-gí 阁按怎嘛是故乡月娘较圆 koh án-tsuánn mā sī kòo-hiong gue̍h-niû khah înn 台语才是台湾国语 Tâi-gí tsiah-sī táiwānguóyǔ
我拢讲台语 guá lóng kóng Tâi-gí 其实你嘛会晓讲 kî-si̍t lí mā ē-hiáu kóng 你会晓讲台语 lí ē-hiáng kóng Tâi-gí 只是你是无爱讲 tsí-sī lí sī bô-ài kóng
我讲中文就破功 guá kóng Tiong-bûn tō phuà-kong 英语会晓画 Ing-gí ē-hiáu uē 都袂晓讲 to bē-hiáng kóng 我大舌阁落风 guá tuā-tsi̍h koh làu-hong 曷无袂爽 a̍h-bô bē sóng 来便所讲 lâi piān-sóo kóng
我朋友去台北拍拼 guá pîng-iú khì Tâi-pak phah-piànn 以后就袂晓台语 í-āu tō bē-hiáu Tâi-gí 伊讲台语足粗 i kóng Tâi-gí tsiok tshoo “只会几点点而已” “zhǐ huì jǐdiāngdiāng éryǐ” 伊讲中文爱掺English较international i kóng Tiong-bûn ài tsham English khah international 我嘛会晓讲 guá mā ē-hiáu kóng “几点点English a little” “jǐdiāngdiāng English a little”
我也是出社会才开始学中文 wǒ yě shì chūshèhuì cái kāishǐ xué zhōngwén 所以现在我的中文不是真好 冇好意思 shuǒyǐ xiànzài wǒ de zhōngwén bùshì hěn hǎo moohoo yisi 姼仔看我“当”眼皮 tshit-á khuànn guá “dāng”yiǎnpí 讲中文“单”我是ABC jiǎng zhōngwén “dān”wǒ shì ABC 其实我练英语 kî-si̍t guá liān Ing-gí 拢是看Discovery lóng-sī khuànn Discovery
It's good to drink 你啉看觅咧嘛 lí lim khuànn-māi--eh-mah 你无啉 lí bô lim 哪会知这杯来自意大利 ná ē tsai tsit pue lâi-tsū Ì-tāi-lī 抑烧滚滚的水 ia̍h sio-kún-kún ê tsuí 内行的知影 lāi-hâng--ê tsai-iánn 巷仔内的趣味伫佗位 hāng-á-lāi ê tshù-bī tī tó-uī 想欲有气就有气 siūnn-beh ū khuì tō ū khuì 想欲“出力”就共处理 siūnn-beh chūlì tō kā tshú-lí
我伫我的故乡我拢讲台语 来喔 做伙讲台语 不管去到佗位 牛牵到北京嘛是讲台语 阁按怎嘛是故乡月娘较圆 台语才是台湾国语
我伫我的故乡我拢讲台语 来喔 做伙讲台语 不管去到佗位 牛牵到北京嘛是讲台语 更多更详尽歌词 在 ※ Mojim.com 魔镜歌词网 阁按怎嘛是故乡月娘较圆 台语才是台湾国语
人讲你台语遮厉害 lâng kóng lí Tâi-gí tsiah lī-hāi 敢有参加过啥物比赛 kám ū tsham-ka kuè siánn-mih pí-sài 譬如讲台语朗诵比赛 phì-jû-kóng Tâi-gí lǎngsòng pí-sài 我是有参加过人爽比赛啦 guá sī ū tsham-ka kuè lâng sóng pí-sài--lah 但是免讲台语 tān-sī bián kóng Tâi-gí
少年的 siàu-liân--ê 讲台语尔 kóng Tâi-gí--niâ 嘛无啥物了不起 mā bô-siánn-mih liáu-put-khí 莫像有人共家己袂晓讲台语 mài tshiūnn ū-lâng kā ka-kī bē-hiáu kóng Tâi-gí 共提来tiang家己 kā the̍h lâi tiang ka-tī 这款人 tsit khuán lâng 就是白痴 tō-sī pe̍h-tshi
这马查埔拣某的条件 tsit-má tsa-poo kíng bóo ê tiâu-kiānn 拢嘛是 lóng mā sī 有孝爸母 iú-hàu pē-bú 经济独立 king-tsè to̍k-li̍p 阁爱佮阮兜外劳仝款 koh ài kah guán-tau guā-lô kāng-khuán 先学台语 sing o̍h Tâi-gí
细汉时 sè-hàn sî 我对草地搬到市区读书 guá tuì tsháu-tē puann kàu tshī-khu tha̍k-tsu 规定讲 kui-tīng kóng 袂当讲台语 bē-tàng kóng Tâi-gí 害我心内感觉郁卒郁卒 hāi guá sim-lāi kám-kak ut-tsut ut-tsut 规工恬喌喌 kui kang tiām-tsiuh-tsiuh 话嘛讲无两句 uē mā kóng bô nn̄g-kù 我若加讲话 guá nā ke-kóng-uē 同学就 tông-o̍h tō 謼~偶要报告老“苏” hooh~ ôo yào bàogào lǎosū
讲中文无较高尚 kóng Tiong-bûn bô khah ko-sióng 讲台语都无较倯 kóng Tâi-gí to bô khah sông 逐家伫无仝环境成长 ta̍k-ke tī bô-kāng khuân-kíng sîng-tióng 是对土地的认同 sī tuì thóo-tē ê jīn-tông 蹛伫这块岛上 tuà tī tsit tè tó siōng 各种族群 kok-tsióng tso̍k-kûn 逐家互相尊重 ta̍k-ke hōo-siong tsun-tiōng 我是台湾人 guá sī Tâi-uân-lâng 咱台湾话 lán Tâi-uân-uē 咱做伙讲 lán tsò-hué kóng
我伫我的故乡我拢讲台语 来喔 做伙讲台语 不管去到佗位 牛牵到北京嘛是讲台语 阁按怎嘛是故乡月娘较圆 台语才是台湾国语
我伫我的故乡我拢讲台语 来喔 做伙讲台语 不管去到佗位 牛牵到北京嘛是讲台语 阁按怎嘛是故乡月娘较圆 台语才是台湾国语
- 感谢 W.B. Chen 提供歌词
- 友站连结: W.B. Chen
|