- 歌词
- 专辑列表
- 歌手介绍
刘福助
-
恒春姑娘
24301/《恒春姑娘》Hîng-tshun Koo-niû 刘福助Lâu Hok-tsōo
阮的故乡是恒春 gún ê kòo-hiong sī Hîng-tshun 阿娘仔生媠 a-niû-á sinn-suí 阁妖娇多情 koh iau-kiau to-tsîng 心内想伊 sim-lāi siūnn i 想甲欲死喔 siūnn kah beh-sí--ooh 害阮强欲病相思 hāi gún kiōng-beh pīnn-siunn-si 哎唷~阿娘仔喂 aih-ioh~ a-niû-á--uê 阿娘仔喂 a-niû-á--uê 你嘛真真害死人 lí mā tsin-tsin hāi-sí lâng 若是无你 nā sī bô lí 叫我欲怎样过日子 kiò guá beh tsuánn-iūnn kè ji̍t-tsí 哎唷 aih-ioh
阮的故乡是恒春 gún ê kòo-hiong sī Hîng-tshun 阿娘仔毋免来抹粉点胭脂 a-niû-á m̄-bián lâi buah-hún tiám ian-tsi 健康活泼自然媠喔 kiān-khong hua̍t-phuat tsū-jiân suí--ooh 人人呵咾 lâng-lâng o-ló 人人佮意 lâng-lâng kah-ì 哎唷~阿娘仔喂 aih-ioh~ a-niû-á--uê 更多更详尽歌词 在 ※ Mojim.com 魔镜歌词网 阿娘仔喂 a-niû-á--uê 你著毋通嫁别人 lí to̍h m̄-thang kè pa̍t-lâng 若无娶你 nā bô tshuā lí 我绝对无来娶别人 guá tsua̍t-tuì bô lâi tshuā pa̍t-lâng 哎唷 aih-ioh
阮的故乡是恒春 gún ê kòo-hiong sī Hîng-tshun 阿娘仔青春 a-niû-á tshing-tshun 是十五的好年纪 sī tsa̍p-gōo ê hó nî-kí 看人毋看使目尾喔 khuànn lâng m̄ khuànn sái-ba̍k-bué--ooh 含情带意笑微微 hâm-tsîng tài-ì tshiò bi-bi 哎唷~阿娘仔喂 aih-ioh~ a-niû-á--uê 阿娘仔喂 a-niû-á--uê 你嘛对我表情意 lí mā tuì guá piáu tsîng-ì 毋通予我日连暝 m̄-thang hōo guá ji̍t liân-mî 为你戆戆想 uī lí gōng-gōng siūnn 哎唷 aih-ioh 为你戆戆想 uī lí gōng-gōng siūnn 哎唷 aih-ioh
- 感谢 W.B. Chen 提供歌词
- 友站连结: W.B. Chen
|