- 歌词
- 专辑列表
- 歌手介绍
陈芬兰
-
怀念彼年
19805/《怀念彼年》Huâi-liām Hit-nî 陈芬兰Tân Hun-lân
就是彼年 tsiū-sī hit-nî 正月十五元宵暝 tsiann-ge̍h tsa̍p-gōo Guân-siau-mî 爸爸伴我 pá-pah phuānn guá 攑着花灯 gia̍h tio̍h hue-ting 顺着运河边 sūn tio̍h ūn-hô pinn 沿路来 iân-lōo lâi 欢欢喜喜 huann-huann-hí-hí 散步到深更 sàn-pōo kàu tshim-kinn 阮来听着爸爸 gún lâi thiann-tio̍h pá-pah 讲起古早的代志 káng-khí kóo-tsá ê tāi-tsì 顺绁听伊讲 sūn-suà thiann i kóng 我是伊最爱的女儿 guá sī i tsuè ài ê lú-jî 彼当时的快乐 hit-tang-sî ê khuài-lo̍k 毋愿放袂记 m̄-guān pàng-buē-kì
就是彼年 tsiū-sī hit-nî 五月初五扒龙船 gōo-ge̍h tshe-gōo pê-lîng-tsûn 哥哥𤆬阮 kó-koh tshuā gún 走去海墘 tsáu-khì hái-kînn 𨑨迌到黄昏 thit-thô kàu hông-hun 坐小船 tsē sió-tsûn 游来游去 iû-lâi-iû-khì 心情真兴奋 sim-tsîng tsin hìng-hùn 哥哥对阮 更多更详尽歌词 在 ※ Mojim.com 魔镜歌词网 kó-koh tuì gún 真正疼惜 tsin-tsiànn thiànn-sioh 称赞阮温驯 tshing-tsàn gún un-sûn 又来讲阮 iū lâi kóng gún 生做乖巧 sinn-tsuè kuai-khá 将来有福份 tsiong-lâi ū hok-hūn 予阮不时思念 hōo gún put-sî su-liām 兄哥好情份 hiann-ko hó tsîng-hūn
就是彼年 tsiū-sī hit-nî 八月十五中秋夜 pueh-ge̍h tsa̍p-gōo tiong-tshiu-iā 爸爸妈妈 pá-pah má-mah 哥哥妹妹 kó-koh mé-meh 踮在门口埕 tiàm-tsāi mn̂g-kháu-tiânn 来伴阮 lâi phuānn gún 团团圆圆 thuân-thuân-înn-înn 等月上山岭 tán ge̍h siōng suann-niá 彼阵心内 hit-tsūn sim-lāi 想讲阮是 siūnn-kóng gún sī 世界最好命 sè-kài tsuè hó-miā 期待永远会来 kî-thāi íng-uán ē lâi 保持美丽好歌声 pó-tshî bí-lē hó kua-siann 想起彼时 siūnn-khí hit-sî 阮就心头弹袂定 gún tsiū sim-thâu tuânn buē-tiānn
- 感谢 W.B. Chen 提供歌词
- 友站连结: W.B. Chen
|