- 歌词
- 专辑列表
- 歌手介绍
黄西田
-
卖鱼吉仔
19487/《卖鱼吉仔》Bē-hî Kiat--á 黄西田N̂g Se-tiân
卖鱼吉仔咿 bē-hî Kiat--á ih~ 为著细汉 uī-tio̍h suè-hàn 读书无趣味 tha̍k-tsu bô tshù-bī 大汉才咧毋捌字 tuā-hàn tsiah teh m̄-bat jī 啥物头路做着 siánn-mih thâu-lōo tsuè-tio̍h 拢嘛袂顺序 lóng-mā bē sūn-sī 姑不三将 koo-put-sann-tsiong 只好来卖鱼 tsí-hó lâi bē-hî 透早鸡鵤仔一直啼 thàu-tsá ke-kak-á it-ti̍t thî 阮著赶紧来起 gún tio̍h kuánn-kín lâi peh-khí 啊准备来去菜市仔 ah tsún-pī lâi-khì tshài-tshī-á 做生啊理 tsuè sing--ah lí
喂~小姐太太 ueh~ sió-tsiá thài-thài 阿婆仔佮先生 a-pô-á kah sian-sinn 欸阮的鱼仔上盖鲜 eh gún ê hî-á siōng-kài tshinn 毋信做你提去鼻 m̄-sìn tsuè lí the̍h-khì phīnn 若有臭的 nā ū tshàu--ê 全部送恁 tsuân-pōo sàng lín 毋免钱 m̄-bián tsînn
来喔~ lâi--ooh~ 来啊 lâi--ah 人客啊你着紧来 lâng-kheh--ah lí tio̍h kín lâi 免细腻 bián sè-jī 看是欲买蟳仔虾仔 khuànn sī beh bé tsîm-á hê-á 蚶仔抑是鳖 ham-á ia̍h-sī pih
我遮嘛有乌鲳白鲳 guá tsia mā ū oo-tshiunn pe̍h-tshiunn 鰗鰡鮕鮘鱼 hôo-liu koo-tai-hî 啊魩仔鱼佮涂魠鱼 ah but-á-hî kah thôo-thoh-hî 嘉鱲鱼佮吴郭鱼 ka-la̍h-hî kah gôo-keh-hî 啊白带鱼 ah pe̍h-tuà-hî 啊佮著彼号 ah kah tio̍h hit-lō 怹号做水鸡的四跤鱼 in hō-tsuè suí-ke ê sì-kha-hî
人讲咸鱼食著 lâng kóng kiâm-hî tsia̍h-tio̍h 会开脾 ē khui-pî 鰇鱼愈哺是愈有味 jiû-hî jú pōo sī jú ū-bī 虱目仔补血助元气 sat-ba̍k-á póo-hueh tsōo-guân-khì 赤鯮𤉙汤上盖甜 tshiah-tsang kûn thng siōng-kài tinn 花枝含有维他命C hue-ki hâm-ū uî-thann-bín C 小姐对伊上趣味 sió-tsiá tuì i siōng tshù-bī 食落去到地 tsia̍h--lo̍h-khì kàu-tè 更多更详尽歌词 在 ※ Mojim.com 魔镜歌词网 心花一直开 sim-hue it-ti̍t khui
你若爱食彼号鲜鱼 lí nā ài tsia̍h hit-lō tshinn hî 应该著买旗鱼 ing-kai tio̍h bé kî-hî 你若想欲啉烧酒 lí nā siūnn-beh lim sio-tsiú 啊著买鲨鱼来配 ah tio̍h bé sua-hî lâi phuè 较合味 khah ha̍h-bī
嘿! 啊这就怪矣 heh! ah tse tiō kuài--ah 这就奇 tse tiō kî 啊我踮遮 ah guá tiàm tsia 喝甲强欲死 huah kah kiōng-beh sí 哪会无甲半个人客 ná ē bô kah puànn-ê lâng-kheh 欲来共我 beh lâi kā guá 交关淡薄仔的生理 kau-kuan tām-po̍h-á ê sing-lí 咿~ ih~
一个小姐看我 tsi̍t-ê sió-tsiá khuànn guá 强欲发脾气 kiōng-beh huat-phî-khì 啊伊才对我 ah i tsiah tuì guá 坦白来表示 thán-pe̍h lâi piáu-sī 讲我的价钱 kóng guá ê kè-tsînn 比人有较贵 pí lâng ū khah kuì
唅~哪有这款的代志 hannh~ ná-ū tsit khuán ê tāi-tsì 为着生理竞争来所致 uī-tio̍h sing-lí kīng-tsing lâi sóo-tì 到遮来矣 kàu tsia lâi--ah 拢无算本钱 lóng bô sǹg pún-tsînn 决定卖你较便宜 kuat-tīng bē lí khah pân-gî 啊这声一下喝落去 ah tsit-siann tsi̍t-ē huah--lo̍h-khì 逐家听着真啊佮意 ta̍k-ke thiann-tio̍h tsin--ah kah-ì
目睭一下𥍉 ba̍k-tsiu tsi̍t-ē nih 所有的货色 sóo-ū ê huè-sik 拢予人买买去 lóng hōo-lâng bé-bé--khì 等到生理做完毕 tán-kah sing-lí tsuè uân-pit 啊数一下算 ah siàu tsi̍t-ē sǹg 才知不但无趁钱 tsiah tsai put-tān bô thàn-tsînn 颠倒了百二 tian-tó liáu pah-jī
唉~为著欲来顾底蒂 haih~ uī-tio̍h beh lâi kòo té-tì 啊了淡薄仔 ah liáu tām-po̍h-á 算啥物 sǹg siánn-mih 啊只有向望 ah tsí-ū ǹg-bāng 生理会顺序 sing-lí ē sūn-sī 过著快乐的日子 kuè tio̍h khuài-lo̍k ê ji̍t-tsí
- 感谢 W.B. Chen 提供歌词
- 友站连结: W.B. Chen
|