- 歌词
- 专辑列表
- 歌手介绍
尤雅
-
港边找无你
在港边看来看去 也是看无你 只有是海水青青 引阮心稀微 致使我来 想起离别彼当时 咱约束的言语 不敢来忘记 憨憨等你已经二年 谁人袂怀疑
在港边找来找去 也是找无你 到底是生还死 无人来通知 怎样会来 为你强要来破病 望你紧回乡里 早日来相见 真无疑你一去不回 想着喉就哽
一年去一年又来 无人会得知 心情是为你悲哀 谁人会了解 为着你来 失去幸福的将来 知影你袂返来 双人的情爱 相信已经袂当永在 从此分东西
------------------------------------------
《港边揣无你》Káng-pinn Tshuē-bô Lí 尤雅Iû Ngá
在港边看来看去 tsāi káng-pinn khuànn lâi khuànn khì 也是看无你 iā-sī khuànn-bô lí 只有是海水青青 tsí-ū sī hái-tsuí tshinn-tshinn 引阮心稀微 ín gún sim hi-bî 致使我来 tì-sú guá lâi 想起离别彼当时 siūnn-khí lī-pia̍t hit-tong-sî 咱约束的言语 lán iok-sok ê giân-gí 毋敢来袂记 m̄-kánn lâi buē-kì 戆戆等你 gōng-gōng tán lí 已经两年 í-king nn̄g-nî 啥人袂怀疑 更多更详尽歌词 在 ※ Mojim.com 魔镜歌词网 siánn-lâng buē huâi-gî
在港边揣来揣去 tsāi káng-pinn tshē lâi tshē khì 也是揣无你 iā-sī tshē-bô lí 到底是生抑死 tàu-tué sī sinn ia̍h sí 无人来通知 bô-lâng lâi thong-ti 怎样会来 tsuánn-iūnn ē lâi 为你强欲来破病 uī lí kiōng-beh lâi phuà-pīnn 望你紧回乡里 bāng lí kín huê hiunn-lí 早日来相见 tsá-ji̍t lâi sio-kìnn 真无疑 tsin bô-gî 你一去不回 lí it khì put-huê 想着喉就哽 siūnn-tio̍h âu tsiū kínn
一年去一年又来 tsi̍t-nî khì tsi̍t-nî iū lâi 无人会得知 bô-lâng ē-tit tsai 心情是为你悲哀 sim-tsîng sī uī lí pi-ai 啥人会了解 siánn-lâng ē liáu-kái 为着你来 uī-tio̍h lí lâi 失去幸福的将来 sit-khì hīng-hok ê tsiong-lâi 知影你袂转来 tsai-iánn lí buē tńg--lâi 双人的情爱 siang-lâng ê tsîng-ài 相信已经袂当永在 siong-sìn í-king buē-tàng íng-tsāi 从此分东西 tsiông-tshú hun tang-sai
- 感谢 W.B. Chen 修正歌词
- 友站连结: W.B. Chen
|